rss
Twitter Delicious Facebook Digg Stumbleupon Favorites

Tuesday, December 8, 2009

သတိတရဖြတ်စများ

-၁-
သူရယ်
ကျွန်တော်ရယ်
အမွှေးပွပွစာအုပ်လေး တစ်ကောင်ရယ်
စနေနေ့  တစ်နေ့ ရယ်
တရိုးတရီလက်ဖက်ရည်ဆိုင်လေးမှာ ထိုင်ခဲ့စဉ်က
ကမ္ဘာပေါ်မှာ ဥသြ ငှက်ကလေးတွေ
ခေတ်မမှီကြသေးဘူး ...။
-၂-
ကျွန်တော်တို့ 
ကိုယ့်ကိုယ်ကို နာမည်ပေးခွင့်ရှိသင့်သလား
သူ့ ကို ကျွန်တော်အဲဒီလိုမျိုး မမေးဖူးခဲ့
သံယောဇဉ် ဆိုတာ ရေရောလို့ မှမကောင်းတာ
ဟော ... ကြည့်
ဒီအမိုးအကာမပါတဲ့ လေပြည်လေးဟာ ဆောင်းပေါ့
အတောင်ပံတွေကို အညတရဆန်ဆန်ခတ်လို့ ။
-၃-
ဘာသားနဲ့ ထုထားတာမို့ လဲ
ဂီတတောင် လူသားဆန်နေရဲ့ 
မြေကြီးထဲမှာ ဆွေးမြေ့  သေဆုံးသွားတဲ့
အလွမ်းသီချင်းများစွာအတွက်
ယနေ့ မှ ပြီး
ကျွန်တော်တို့ အားလုံး
သစ်ပင်စိုက်သင့်ပြီ။
-၄-
သူရယ်
ကျွန်တော်ရယ်
အထီးတည်းညနေခင်းနဲ့  စကားဝိုင်းဖွဲ့ ဖြစ်တယ်
ဘာပဲပြောပြော
ပုံသေနည်းအဟောင်းနဲ့ 
လူလုပ်ရတာပျော်စရာတော့ ကောင်းသား။
-၅-
လူ့ ဘောင်ကြီးမှာ
မီးကို ရှာဖွေတွေ့  ရှိခါနီးပြီ၊
ဘယ်သူ့ အတွက်ရယ်လို့ 
မရည်ရွယ်ဘဲ တိမ်တွေ လှလို့ ၊
ပင်လယ်ကြီးက ခုထိ ခေါင်းမာ တုန်း၊
အရိပ်လေးတစ်ခု ကျွန်တော် သိမ်းထားတယ်။


-နေ့ သစ်(၁၇.၁၁.၂၀၀၉)

0 comments: